കഴിഞ്ഞ ദിവസങ്ങളിൽ സ്വർണ്ണ വില കുറഞ്ഞ ശേഷം ഇന്ന് സ്വർണ്ണം പവന് വീണ്ടും 200 രൂപ ഉയര്‍ന്ന് 37000 രൂപയ്ക്കടുത്തെത്തി.ഈ മാസത്തെ ഏറ്റവും ഉയർന്ന വിലയിൽ ആണ് സ്വർണ്ണം.4615 രൂപയാണ് ഇന്നത്തെ ഒരു ഗ്രാം സ്വർണ്ണത്തിന്റെ വില.
സെന്‍സെക്സ് ഇന്ന് 396 പോയ്ന്റ് ഇടിഞ്ഞ് 60,322ല്‍ ക്ലോസ് ചെയ്തു.നിഫ്റ്റി 110 പോയ്ന്റ് താഴ്ന്ന് 17,999ലും ക്ലോസ് ചെയ്തു.
2000ലെ 156 ലക്ഷം കോടി ഡോളറിൽനിന്ന് ലോകമെമ്പാടുമുള്ള ആസ്തി 2020ൽ 514 ലക്ഷം കോടി ഡോളറായി ഉയർന്നു.2000 ൽ ഏഴ് ലക്ഷം കോടി ഡോളറിൽനിന്ന് ചൈനയുടെ സമ്പത്ത് 120 ലക്ഷം കോടിയായി വർധിച്ചു. ആഗോള ആസ്തിയുടെ 68ശതമാനവും റിയൽ എസ്‌റ്റേറ്റിലാണ് എന്നാണ് മക്കിൻസിയുടെ റിപ്പോർട്ട്.
കാലിഫോര്‍ണിയയിലെ ആമസോണിന്‍റെ സ്ഥാപനങ്ങളിലെ ജീവനക്കാരുടെ കൊവിഡ് വിവരങ്ങള്‍ ഒളിച്ചുവച്ചതിന് ആമസോണിനു 5 ലക്ഷം ഡോളര്‍ ആമസോണിനു പിഴ.
വീടുകൾക്കും ഫ്ലാറ്റുകൾക്കും വിലയിൽ ലക്ഷങ്ങളുടെ വർധനവുണ്ടാകുന്നത് ഒഴിവാക്കാൻ കേന്ദ്രം ഇടപെടണമെന്ന് കോൺഫെഡറേഷൻ ഓഫ് റിയൽ എസ്റ്റേറ്റ് ഡെവലപേർസ് അസോസിയേഷൻ ഇന്ത്യ.കെട്ടിട നിർമ്മാണ സാമഗ്രഹികൾ ആയ സിമന്റ് , ഇരുമ്പ് എന്നിവക്കൊക്കെ വില കുത്തനെ ഉയരുകയാണ്.ഇത് പിടിച്ചു നിർത്താൻ സാധിച്ചില്ല എങ്കിൽ വീടുകൾക്കും ഫ്ലാറ്റുകൾക്കും വിലയിൽ ലക്ഷങ്ങളുടെ വർദ്ധനവ് ഉണ്ടാകും.
2017-ലെ റേഷന്‍ കാര്‍ഡ് പുതുക്കലുമായി ബന്ധപ്പെട്ട് റേഷന്‍ കാര്‍ഡ് മാനേജ്മെന്റ് സിസ്റ്റത്തില്‍ വന്ന തെറ്റുകള്‍ തിരുത്താൻ ഡിസംബർ 15 വരെ അവസരം.തെറ്റുകള്‍ തിരുത്താനും പുതിയ വിവരങ്ങള്‍ കൂട്ടിച്ചേർക്കാനുമായി പ്രഖ്യാപിച്ച ‘തെളിമ’ പദ്ധതിയിലൂടെ ആണ് ഈ അവസരം.