ഇന്നത്തെ സാമ്പത്തിക വാർത്തകൾ | നവംബര്‍ 22, 2021

• സ്വർണ്ണ വിലയിൽ മാറ്റമില്ല

സംസ്ഥാനത്തു കഴിഞ്ഞ മൂന്നു ദിവസമായി സ്വർണ്ണ വിലയിൽ മാറ്റമില്ല.ഗ്രാമിന് 4575 രൂപയും പവന് 36,600 രൂപയുമാണ് ഇന്നത്തെ വില.

• വന്യ ജീവി ആക്രമണം നേരിടേണ്ടി വന്നാൽ സർക്കാർ സഹായം ലഭിക്കും

വന്യ ജീവി ആക്രമണം മൂലം മരണം സംഭവിച്ചാൽ വേണ്ടപ്പെട്ടവർക്ക് 10 ലക്ഷം രൂപയും ,സ്ഥിര അംഗവൈകല്യം സംഭവിച്ചാൽ 2 ലക്ഷം രൂപയും ,പരിക്കിന് ഒരു ലക്ഷം രൂപയും സഹായം ലഭിക്കും.

• ജനുവരി ഒന്ന് മുതൽ ചെരുപ്പിനും വസ്ത്രങ്ങൾക്കും വില കൂടും

ആയിരം രൂപ വരെയുള്ള തുണിത്തരങ്ങൾക്ക് 5 ശതമാനം,അതിനു മുകളിൽ 18 ശതമാനം എന്നിങ്ങനെയാണ് നിലവിൽ ജി.എസ്.ടി . ഇത് ഏകീകരിച്ചു എല്ലാത്തിനും 12 ശതമാനം ആകും .ഇന്ത്യയിൽ വിറ്റഴിയുന്ന തുണിത്തരങ്ങളിൽ 80 ശതമാനവും ആയിരം രൂപയ്ക്ക് താഴെയുള്ളതാണ്.1000 രൂപയുടെ തുണിക്ക് 12 ശതമാനം ജിഎസ്ടി കൂടി ആവുമ്പോൾ 1120 രൂപയാകും.

• സ്റ്റാർ ഹെൽത് ഐപിഓ ഈ മാസം അവസാനം

7,500 കോടി രൂപയാണ് ഐപിഓ വഴി സമാഹരിക്കുന്നത്.2021ലെ ഏറ്റവും വലിയ മൂന്നാമത്തെ ഐപിഒ ആണ് ഇത്.

• ഓഹരി വിപണി നഷ്ടത്തിൽ ക്ലോസ് ചെയ്തു

സെൻസെക്‌സ് 58,500ന് താഴെ ക്ലോസ് ചെയ്തു. നിഫ്റ്റി 17,416 നും ക്ലോസ് ചെയ്തു.ആഗോള വിപണികളിലെ പ്രതികൂല സാഹചര്യമാണ് രാജ്യത്തും പ്രതിഫലിച്ചത്.

• താരീഫ് ചാർജ് വർധിപ്പിച്ചു എയർടെൽ

വിവിധ പ്ലാനുകള്‍ക്ക് 20 രൂപ മുതല്‍ 501 രൂപ വരെ ആണ് വർധിപ്പിച്ചത്.പുതിയ നിരക്ക് നവംബർ 26 നു നിലവിൽ വരും.രാജ്യത്തെ നിലനിൽപ്പിനു വർദ്ധനവ് ആവശ്യം എന്നാണ് എയർടെൽ വ്യക്തമാക്കിയത്.

• ഇനി ഡീസൽ കാറുകൾ ഇറക്കില്ല എന്ന് മാരുതി

ഡീസൽ കാറുകളുടെ കാലം കഴിഞ്ഞു ,ഇനി വിപണിയിൽ ഡീസൽ കാർ ഇറക്കില്ല .പകരം കൂടുതൽ മൈലേജ് നൽകുന്ന പെട്രോൾ എൻജിനുകൾ അവതരിപ്പിക്കും എന്ന് മാരുതി.

• പേടിഎം ഓഹരി വില ഇന്നും ഇടിഞ്ഞു

ഓഹരിയൊന്നിന് 2,150 രൂപ നിരക്കിലായിരുന്നു ഐപിഒ വില .27ശതമാനം നഷ്ടത്തിലാണ് ലിസ്റ്റ് ചെയ്ത ദിവസം ക്ലോസ് ചെയ്തത് .ഇന്ന് വീണ്ടും ഓഹരി നഷ്ട്ടത്തിലേക്ക് കൂപ്പു കുത്തി.വിപണിമൂല്യത്തിൽ 50,000 കോടിയിലേറെയാണ് കുറവുണ്ടായത്.

• ഫെസ്റ്റിവൽ സീസണിൽ കനത്ത തിരിച്ചടി നേരിട്ട് ഇന്ത്യൻ വാഹന വിപണി

പതിറ്റാണ്ടിലെ ഏറ്റവും മോശമായ ഉൽസവകാല വിൽപ്പനയാണ് ഇന്ത്യൻ വാഹന വിപണിക് നേരിണ്ടേണ്ടി വന്നത് .2021 ഒക്ടോബറിലെ മൊത്തം ആഭ്യന്തര വിൽപ്പന 2020 ഒക്ടോബറിനെ അപേക്ഷിച്ച് 5.33 ശതമാനം കുറവാണ്.

ഡെയ്‌ലി അപ്‌ഡേറ്റുകള്‍ ഫോണിൽ ലഭിക്കാൻ – JOIN

Disclaimer:ഓരോ പോസ്റ്റുകളും അറിവ് നൽകുന്നതിന് വേണ്ടി ആണ്. അഭിപ്രായങ്ങൾ വ്യക്തിപരം ആണ്. നിക്ഷേപം നടത്തും മുൻപ് സ്വയം വിശദമായി പഠിക്കുകയും ,ആവശ്യമെങ്കിൽ ഫിനാൻഷ്യൽ അഡ്വൈസറുടെ സഹായം തേടുകയും ചെയ്യുക. റിസ്ക് നിങ്ങളുടെ മാത്രം ആണ്