50 കോടിയിൽ കൂടുതലുള്ള പണമിടപാടുകൾക്ക് ഇനിമുതൽ ലീഗൽ എൻടിറ്റി ഐഡന്റിഫയർ നിർബന്ധമാക്കി റിസർബാങ്ക് ഓഫ് ഇന്ത്യ. ആഗോള തലത്തിൽ നടത്തിവരുന്ന വലിയ പണമിടപാടുകൾക്ക് നൽകിവരുന്ന 20 നമ്പർ ആണിത്. ഏപ്രിൽ ഒന്നുമുതൽ ഈ നിയമം പ്രാബല്യത്തിൽ വരും.
റിയൽ ടൈം ഗ്രോസ് സെറ്റിൽമെന്റ്, നാഷണൽ ഇലക്ട്രോണിക് ഫണ്ട് ട്രാൻസ്ഫർ എന്നിവ വഴി അൻപത് കോടിയിലധികം രൂപയുടെ പണമിടപാടുകൾ നടത്താൻ എൽഇഐ നമ്പർ ആവശ്യമാണ്. ലീഗൽ എൻടിറ്റി ഐഡന്റിഫയർ ഫയർ ഇന്ത്യ ലിമിറ്റഡിൽ നിന്ന് ഈ നമ്പർ ലഭിക്കും. 2008ലെ ആഗോള സാമ്പത്തിക പ്രതിസന്ധിക്ക് ശേഷം ആണ് ഈ സംവിധാനത്തിന് തുടക്കം കുറിച്ചത്.
എൽ ഇ ഐ നമ്പർ സ്വീകരിക്കുന്നതിനോടൊപ്പം തന്നെ ബാങ്കുകളിലെ ഇടപാടുകളുടെ രേഖകൾ സൂക്ഷിക്കണം എന്നും ആർബിഐ വ്യക്തമാക്കി. ഇതിലൂടെ വലിയ ബാങ്കുകൾക്കും കേന്ദ്ര ബാങ്കുകൾക്കും ഈ പണമിടപാടുകൾ ട്രാക്ക് ചെയ്യാൻ കഴിയും.